ಪೈಲ್ವಾನ್ ಚಿತ್ರದ ಬಳಿಕ ತೆರೆ ಕಾಣ್ತಿರೋ ನಟ ಸುದೀಪ್ ಅಭಿನಯದ ಕೋಟಿಗೊಬ್ಬ-3 ಚಿತ್ರಕ್ಕೆ ಕಾಫಿನಾಡು ಚಿಕ್ಕಮಗಳೂರಿನಲ್ಲಿ ಭರ್ಜರಿ ಸ್ವಾಗತ ಸಿಕ್ಕಿದೆ. ನಿನ್ನೆಯೇ ತೆರೆ ಕಾಣಬೇಕಿದ್ದ ಚಿತ್ರ ತಾಂತ್ರಿಕ ಕಾರಣಗಳಿಂದ ಇಂದು ತೆರೆಕಂಡಿದೆ. ಆದರೆ, ಒಂದು ದಿನ ತಡವಾದರೂ ಅಭಿಮಾನಿಗಳ ಉತ್ಸಾಹ ಮಾತ್ರ ಕುಂದಿಲ್ಲ. ಚಿಕ್ಕಮಗಳೂರಿನ ಮಿಲನ್ ಥಿಯೇಟರ್ನಲ್ಲಿ ಚಿತ್ರ ಬಿಡುಗೊಳ್ಳುತ್ತಿದ್ದು, ಅಭಿಮಾನಿಗಳು ಬೆಳಗ್ಗೆಯಿಂದಲೂ ಸಿನಿಮಾ ಥಿಯೇಟರ್ನ ನವವಧುವಿನಂತೆ ಸಿಂಗರಿಸಿದ್ದಾರೆ. ಚಿತ್ರಮಂದಿರದ ತುಂಬಾ ಸುದೀಪ್ ಕಟೌಂಟ್ ರಾರಾಜಿಸುತ್ತಿದ್ದು ಸುದೀಪ್ ಭಾವಚಿತ್ರಕ್ಕೆ ಹಾಳಿನ ಅಭಿಷೇಕ ಮಾಡಿ ಚಿತ್ರ ನೂರು ದಿನಗಳ ಕಾಲ ಓಡಲಿ ಎಂದು ಶುಭ ಹಾರೈಸಿದ್ದಾರೆ.  ಸುದೀಪ್ ಕಟೌಂಟ್ ಕುಂಬಳಕಾಯಿ ಹೊಡೆದು ದೃಷ್ಠಿ ತೆಗೆದಿದ್ದಾರೆ. ಬೆಳಗ್ಗೆಯಿಂದಲೂ ಥಿಯೇಟರ್ ಮುಂದೆ ಜಮಾಯಿಸಿರೋ ಅಭಿಮಾನಿಗಳು ಡ್ರಮ್ ಸೆಟ್ ಶಬ್ಧಕ್ಕೆ ಮನಸ್ಸೋ ಇಚ್ಛೆ ಕುಣಿಯುತ್ತಿದ್ದಾರೆ.