ಚಿಕ್ಕಮಗಳೂರು : ಅಸಂಘಟಿತ ವಲಯದಲ್ಲಿ ಗುರುತಿಸಿಕೊಂಡಿರುವ ಟೈಲರ್ ವೃತ್ತಿ ಭಾಂದವರನ್ನು ಈ ಬಾರಿಯ ಬಜೆಟ್ನಲ್ಲಿ ನಿರ್ಲಕ್ಷಿಸಿರುವುದು ನಿರಾಶೆಯುಂಟು ಮಾಡಿದೆ ಎಂದು ಟೈಲರ್ ಅಸೋಷಿಯೇಷನ್ ಸಂಘದ ಮಾಜಿ ಜಿಲ್ಲಾಧ್ಯಕ್ಷ ಅಶೋಕ್ ಗಸ್ತಿ ಹೇಳಿದ್ರು, ಇಂದು ಸುದ್ದಿಗೋಷ್ಠಿಯ ನಂತರ ಮಲ್ನಾಡ್ ಟಿವಿಯೊಂದಿಗೆ ಮಾತನಾಡಿದ ಅವರು ಬದುಕಿನ ನಿರ್ವಹಣೆಗಾಗಿ ಟೈಲರ್ಗಳು ಹೋರಾಟ ನಡೆಸುತ್ತಿದ್ದು, ಶೋಚನೀಯ ಪರಿಸ್ಥಿತಿಯಲ್ಲಿದ್ದೇವೆ. ನಮ್ಮನ್ನು ಈ ಬಜೆಟ್ನಲ್ಲಿ ಯಾವುದೇ ಸೌಲಭ್ಯಗಳನ್ನು ನೀಡಿಲ್ಲ, ಯಾವುದೇ ನೆರವಿಗೆ ಧಾವಿಸಿಲ್ಲ, ಇದು ವಿಪರ್ಯಾಸ. ಮುಂಬರುವ ಹೆಚ್ಚುವರಿ ಬಜೆಟ್ನಲ್ಲಿ ನಮ್ಮ ಬೇಡಿಕೆಗಳನ್ನು ಈಡೇರಿಸದಿದ್ದರೆ ಉಗ್ರ ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು. ಸುದ್ದಿಗೋಷ್ಠಿಯಲ್ಲಿ ನಗರ ಕ್ಷೇತ್ರ ಸಮಿತಿ ಅಧ್ಯಕ್ಷ ಸುಧೀರ್ ಹೆಚ್.ಆರ್, ಸಂಘಟನಾ ಕಾರ್ಯದರ್ಶಿ ಹೆಚ್.ಆರ್ ರಾಜು, ಪ್ರಧಾನ ಕಾರ್ಯದರ್ಶಿ ಅನಿಲ್ ಕುಮಾರ್, ಸಂಘಟನಾ ಕಾರ್ಯದರ್ಶಿ ಪಾಂಡು ಕುಮಾರ್ ಕೆ.ಜೆ, ಖಜಾಂಚಿ ಸತೀಶ್ ಉಪಸ್ಥಿತರಿದ್ದರು