ಬೆಳವಾಡಿ : ಹೊಯ್ಸಳರು ಕಟ್ಟಿಸಿದ್ದ ಐತಿಹಾಸಿಕ ಬೆಳವಾಡಿ ದೊಡ್ಡಕೆರೆ ಕೋಡಿ ಬಿದ್ದ ಹಿನ್ನೆಲೆ ಶೃಂಗೇರಿ ಮಠದಿಂದ ಹಾಗೂ ಗ್ರಾಮಸ್ಥರಿಂದ ಕೆರೆಗೆ ಬಾಗಿನ ಸಮರ್ಪಣೆ ಮಾಡಲಾಯಿತು.
ಸತತ 12 ವರ್ಷಗಳಿಂದ ಕೆರೆಯು ಸಂಪೂರ್ಣ ಭರ್ತಿಯಾಗಿ ಕೋಡಿ ಬಿದ್ದಿರಲಿಲ್ಲ. ಇದರಿಂದ ಬೆಳವಾಡಿ ಸುತ್ತಮುತ್ತಲ ಗ್ರಾಮಗಳು ಬರಗಾಲವನ್ನು ಎದುರಿಸುವಂತಾಗಿತ್ತು. ಈ ಬಾರಿಯ ಆಷಾಡ ಮಾಸದ ಪ್ರಾರಂಭದ ಮಳೆಯಲ್ಲೆ ಬೆಳವಾಡಿಯ ದೊಡ್ಡ ಕೆರೆಯು ಭರ್ತಿಯಾಗಿ ಕೋಡಿ ಬಿದ್ದ ಹಿನ್ನೆಲೆ ಶೃಂಗೇರಿ ಮಠದ ಬೆಳವಾಡಿ ಉದ್ಬವ ಗಣಪತಿಯ ದೇವಸ್ಥಾನದ ಅರ್ಚಕರು ಹಾಗೂ ಗ್ರಾಮಸ್ಥರು ವಿಶೇಷ ಪೂಜೆ ಸಲ್ಲಿಸಿ ಬಾಗಿನ ಅರ್ಪಿಸಿದರು.