ಪ್ರಕೃತಿ ವಿಕೋಪದಿಂದ ಮನೆ ಆಸ್ತಿ ಕಳೆದುಕೊಂಡಿದ್ದೇವೆ ಎಂದು ಅನುಕಂಪ ಮೂಡಿಸಿ ನಗರದಲ್ಲಿ ಯುವತಿಯರ ಗುಂಪೊಂದು ಬಲವಂತವಾಗಿ ಹಣ ವಸೂಲಿ ಮಾಡುತ್ತಿದೆ.ರಾಜಸ್ಥಾನದಿಂದ ಬಂದಿರುವ ಈ ಯುವತಿಯರು ಸೊಗಸಾಗಿ ಡ್ರಸ್ ಮಾಡ್ಕೊಂಡು ಬಂದು ಹಣ ವಸೂಲಿ ಮಾಡುತ್ತಿದ್ದಾರೆ. 10, 20 ರೂ ಕೊಟ್ಟರೆ ತೆಗೆದುಕೊಳ್ಳುವುದಿಲ್ಲ 100, 200 ರೂಗಳನ್ನು ಕೊಡಬೇಕೆಂದು ನಗರದ ನಾಗರೀಕರಲ್ಲಿ ಬಲವಂತವಾಗಿ ಹಣ ಕೇಳುತ್ತಿದ್ದಾರೆ.ನಗರದ ಮನೆ, ಅಂಗಡಿಗಳಿಗೆ ಬರುವ ಈ ಯವತಿಯರ ಗುಂಪು ಹಣಕ್ಕಾಗಿ ಬೇಡಿಕೆ ಇಡುತ್ತದೆ ಮನೆ ಬಿದ್ದು ಹೋಗಿದೆ, ಹಾಕೋಕೆ ಬಟ್ಟೆ ಇಲ್ಲ, ತಂದೆ ತಾಯಿ ಕಷ್ಟದಲ್ಲಿದ್ದಾರೆ. ಎಂಬಿತ್ಯಾದಿ ಮಾತುಗಳನ್ನು ಹೇಳಿ ಅನುಕಂಪ ಬರುವಂತೆ ನಟಿಸಿ ಹಣ ಕೇಳುತ್ತಿದ್ದಾರೆ.ಈ ರೀತಿ ಅನುಕಂಪದ ಮಾತುಗಳನ್ನಾಡುವ ಯುವತಿಯರ ಬಗ್ಗೆ ನಗರದ ನಾಗರೀಕರು ಎಚ್ಚರ ವಹಿಸಿ ಯಾವುದೇ ಕಾರಣಕ್ಕೂ ಹಣ ನೀಡಬಾರದೆಂದು ಪೋಲೀಸ್ ಇಲಾಖೆ ಮನವಿ ಮಾಡಿದೆ ಆದರೂ ಹಣ ಕೊಡುವಂತೆ ಪೀಡಿಸಿದರೆ ಹತ್ತಿರದ ಪೋಲೀಸ್ ಠಾಣೆಗೆ ದೂರು ನೀಡುವಂತೆ ಕೋರಿದ್ದಾರೆ.