ಚಿಕ್ಕಮಗಳೂರು : ಮೇ 27 ಮತ್ತು 28 ರಂದು 2 ಹಂತದ ಎಮ್.ಆರ್.ಎಫ್ ರ್ಯಾಲಿಯನ್ನು ಆಯೋಜಿಸಲಾಗಿದೆ ಎಂದು ಕಾರ್ಯದರ್ಶಿ ಅಭಿಜಿತ್ ಪೈ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಎಮ್.ಆರ್.ಎಫ್ ನ್ಯಾಷನಲ್ ಛಾಂಫಿಯನ್ ಷಿಫ್ ರ್ಯಾಲಿಯ 2 ನೇ ಹಂತದ ರ್ಯಾಲಿಯನ್ನು ಚಿಕ್ಕಮಗಳೂರಿನಲ್ಲಿ ಆಯೋಜಿಸಲಾಗಿದ್ದು, ಮೊದಲನೇ ಹಂತದ ರ್ಯಾಲಿಯು ಕೊಡಗಿನಲ್ಲಿ ನಡೆದಿದ್ದು, 3 ಮತ್ತು 4 ನೇ ಹಂತದ ಕೊಯಮತ್ತೂರು, ಬೆಂಗಳೂರು ಮತ್ತು ಪೂನದಲ್ಲಿ ನಡೆಯಲಿದೆ. ಚಿಕ್ಕಮಗಳೂರಿನಲ್ಲಿ ನಡೆಯಲಿರುವ ರ್ಯಾಲಿಯಲ್ಲಿ ಭಾಗಹಿಸಲು ದೇಶದ ವಿವಿಧ ರಾಜ್ಯಗಳಿಂದ ಈಗಾಗಲೇ 130 ಜನ ಸ್ಪರ್ಧಾಳುಗಳು ಹೆಸರು ನೋಂದಣಿ ಮಾಡುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದು, ಇದರು ಇನ್ನೂ ಹೆಚ್ಚಾಗುವ ನಿರೀಕ್ಷೆ ಇದೆ. ಅವರಲ್ಲಿ 9 ಜನ ಮಹಿಳೆಯರು ರ್ಯಾಲಿಯಲ್ಲಿ ಭಾಗವಹಿಸಲಿದ್ದಾರೆ. ರ್ಯಾಲಿಯಲ್ಲಿ ಬೈಕ್ ನ ಸಿಸಿ ಗೆ ಅನುಗುಣವಾಗಿ 9 ವಿಭಾಗಗಳಿದ್ದು, ತಿಪ್ಪೆನಹಳ್ಳಿ ಎಸ್ಟೆಟ್ ನಲ್ಲಿ 6 ಕಿ.ಮೀ ಹಾಗೂ ವಸಂತಕೋಲ್ ನಲ್ಲಿ 8 ಕಿ.ಮೀ ರ್ಯಾಲಿಯನ್ನು ಆಯೋಜಿಸಲಾಗಿದೆ. ಕರ್ನಾಟಕದವರಿಗೆ ಹಾಗೂ ಚಿಕ್ಕಮಗಳೂರು ಸ್ಪರ್ಧಾಳುಗಳಿಗೆ ವಿಶೇಷ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ ಎಂದು ಹೇಳಿದರು.