ಚಿಕ್ಕಮಗಳೂರು: ಚಿಕ್ಕಮಗಳೂರು ನಗರದಲ್ಲಿ ನಾಯಿ ಒಂದು ಕ್ಯಾಟ್ ವಾಕ್ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದೆ. ಜರ್ಮನ್‌ ಶೆಫರ್ಡ್‌ ತಳಿಯನ್ನ ಹೋಲುವ, ಸಿಂಹದಂತೆ ಕಾಣುವ ಹೈಡರ್‌ ನಾಯಿಯೇ ಭರ್ಜರಿಯಾಗಿ ರ‍್ಯಾಂಪ್‌ ವಾಕ್‌ ಮಾಡಿ ಭಾರೀ ಗಮನ ಸೆಳೆದಿದೆ. ಅಂದಹಾಗೆ ಈ ನಾಯಿಯ ಬೆಲೆ ಬರೋಬ್ಬರಿ 20 ಕೋಟಿ ರೂಪಾಯಿ. ಅತ್ಯಂತ ದುಬಾರಿ ನಾಯಿ. 

ಇತ್ತೀಚಿಗೆ ನಡೆದ ಫ್ಯಾಶನ್ ಷೋ ಒಂದರಲ್ಲಿ ಈ ಹೈಡರ್‌ ಎಲ್ಲರ ಗಮನ ಸೆಳೆದಿದ್ದು, ಇದನ್ನು ನೋಡಲು ಚಿಕ್ಕಮಗಳೂರು ಜನ ತಾ ಮುಂದೆ ನಾ ಮುಂದೆ ಎಂದು ಬಂದಿದ್ದರು. ಈ ನಾಯಿ ಪ್ರಪಂಚದಲ್ಲೇ ಅತ್ಯಂತ ದುಬಾರಿ ನಾಯಿಗಳ ಪಟ್ಟಿಯಲ್ಲಿ 2 ನೇ ಸ್ಥಾನವನ್ನ ಹೊಂದಿದೆ. ಚಿಕ್ಕಮಗಳೂರು ನಗರದಲ್ಲಿ ನಡೆದ ಲುಕ್ ಬುಕ್ ಪ್ರೆಸೆಂಟ್ ಐಭ ಗ್ಲಾಮ -2023 ನಲ್ಲಿ ಈ ಹೈಡರ್‌ ತನ್ನ ಮಾಲೀಕ ಸತೀಶ್‌ ಅವರ ಜೊತೆಗೂಡಿ ಹೆಜ್ಜೆ ಹಾಕಿ ಎಲ್ಲರ ಗಮನ ಸೆಳದಿದೆ.