ಚಿಕ್ಕಮಗಳೂರು: ರಾಜ್ಯದಲ್ಲಿ ರಾಮನ ಹೆಸರಿನಲ್ಲಿ ರಾವಣ ರಾಜ್ಯ ಮಾಡಲು ಸರ್ಕಾರ ಹೊರಟಿದೆ ಎಂದು ಮಾಜಿ ಸಿ.ಎಂ ಕುಮಾರಸ್ವಾಮಿ ಹೇಳಿದರು.ಚಿಕ್ಕಮಗಳೂರು ಜಿಲ್ಲೆ ಕಳಸದಲ್ಲಿ ಹುಬ್ಬಳ್ಳಿ ಗಲಾಟೆಯ ಕುರಿತು ಪ್ರತಿಕ್ರಿಯಿಸಿದ ಅವರು ಕತ್ತಿ ಕಡ್ಕೊಂಡು ರಾಜಕಾರಣ ಮಾಡುವುದಲ್ಲ, ರಾಮನ ಹೆಸರನ್ನು ಕತ್ತಿ ಹಿಡಿದು ಉಳಿಸುವುದಲ್ಲ ರಾಮ ಯಾವ ಸಂದೇಶವನ್ನು ನೀಡಿದ್ದಾನೆ ಎಂಬುದನ್ನು ಅರಿತು ಮಾನವೀಯತೆಯನ್ನು ಮೊದಲು ಕಲಿಯಬೇಕು ಬಿಜೆಪಿಯವರಿಂದ ನಾನು ಕಲಿಯಬೇಕಿಲ್ಲ ನನಗೆ ಜನರು ಬದುಕು ಮುಖ್ಯ ಎಂದರು.

ಇದೇ ವೇಳೆ ಮಾತನಾಡಿದ ಅವರು, ಮುಖ್ಯಮಂತ್ರಿಗಳಿಗೆ ನಾಡಿನ ಬಗ್ಗೆ ಗೌರವ ಇದ್ದರೆ ಎಲ್ಲಾ ಧರ್ಮದ ಸ್ವಾಮೀಜಿಗಳನ್ನು ಕರೆದು ಅವರ ಸಮ್ಮುಖದಲ್ಲಿ ಭಾವೈಕ್ಯತೆ ಸರಿಪಡಿಸಿ ಜನತೆಗೆ ಹೊಸ ಸಂದೇಶವನ್ನು ಕೊಡಬೇಕು ಎಂದರು.

ರಾಜ್ಯದಲ್ಲಿ ಉತ್ತರ ಪ್ರದೇಶ,ಗುಜರಾತ್ ಆಡಳಿತ ಅವಶ್ಯಕತೆ ಇಲ್ಲ, ಕರ್ನಾಟಕದ ಆಡಳಿತ ವಿಶ್ವಕ್ಕೆ ಮಾದರಿಯಾಗಿದೆ ಮತಕ್ಕೊಸ್ಕರ ಆಶಾಂತಿ ಮೂಡಿಸುವ ಕೆಲಸವಾಗಬಾರದು ರಾಷ್ಟ್ರೀಯ ಪಕ್ಷಗಳಿಂದ ಸರ್ವ ಜನಾಂಗದ ಶಾಂತಿಯ ತೋಟಕ್ಕೆ ಬೆಂಕಿ ಇಡುವ ಕೆಲಸವಾಗುತ್ತಿದೆ ಬಿಜೆಪಿಗೆ 150 ಸೀಟ್ ತಗೆದುಕೊಳ್ಳುವ ಚಿಂತೆ, ಕಾಂಗ್ರೆಸ್ ಗೆ ಯಾರನ್ನು ಜೈಲಿಗೆ ಕಳುಹಿಸಬೇಕು ಅಂತಾ ಚಿಂತೆ ಎಂದು ರಾಷ್ಟ್ರೀಯ ಪಕ್ಷಗಳ ವಿರುದ್ಧ ಕಿಡಿಕಾರಿದ್ರು