ಚಿಕ್ಕಮಗಳೂರು : ನಗರದ ವಾರ್ಡ್ ನಂಬರ್ 15ರ ಮಧುವನ ಲೇಔಟ್ ನಲ್ಲಿ ಚರಂಡಿ ನಿರ್ಮಾಣ ಮಾಡಲು ನಗರಸಭಾ ಅಧ್ಯಕ್ಷರಾದ ವರಸಿದ್ದಿ ವೇಣು ಗೋಪಾಲ್ ರವರು ಭೂಮಿ ಪೂಜೆ ನೆರೆವೇರಿಸಿದರು.
ಪೆನ್ಷನ್ ಮೊಹಲ್ಲಾ ಹಾಗೂ ಇನ್ನಿತರ ಭಾಗಗಳಿಂದ ಬರುವ ಚರಂಡಿ ನೀರು ಸರಾಗವಾಗಿ ಹೋಗಲು ಮಾಡಿದ್ದ ಅರ್ಧಕ್ಕೆ ನಿಂತಿದ್ದ ಚರಂಡಿಯ ಮುಂದುವರಿದ ಭಾಗದ ಕಾಮಗಾರಿಯನ್ನು 4.5 ಲಕ್ಷ ವೆಚ್ಚದಲ್ಲಿ ಸುಸಜ್ಜಿತ ಚರಂಡಿ ನಿರ್ಮಾಣ ಮಾಡುವ ಕಾಮಗಾರಿಗೆ ಭೂಮಿ ಪೂಜೆ ಮಾಡಿದರು.
ಈ ವೇಳೆ ಸ್ಥಳಿಯ ನಗರಸಭಾ ಸದಸ್ಯರಾದ ಶೀಲಾ ದಿನೇಶ್, ಮಾಜಿ ನಗರಸಭಾ ಅಧ್ಯಕ್ಷರಾದ ಪ್ರೇಮ್ ಕುಮಾರ್, ದಿನೇಶ್, ಸೇರಿದಂತೆ ಸ್ಥಳೀಯ ಮುಖಂಡರುಗಳು ಉಪಸ್ಥಿತರಿದ್ದರು.