ಕಾಫಿನಾಡ ದತ್ತಪೀಠದ ಹೋರಾಟಕ್ಕೆ ದಶಕಗಳ ಇತಿಹಾಸವಿದೆ. ಪೀಠದಲ್ಲಿ ಹಿಂದೂಗಳ ಅರ್ಚಕರ ನೇಮಕ ಆಗಬೇಕೆಂಬ ಹೋರಾಟಕ್ಕೂ 35 ವರ್ಷಗಳ ಹೆಜ್ಜೆ ಗುರುತಿದೆ. ಆದ್ರೆ, 2019ರಲ್ಲಿ ಜಸ್ಟೀಸ್ ನಾಗಮೋಹನ್ ದಾಸ ವರದಿ ಅನ್ವಯ ಅಂದಿನ ಕಾಂಗ್ರೆಸ್ ಸರ್ಕಾರ ದತ್ತಪೀಠದಲ್ಲಿ ಮುಜಾವರ್‍ರನ್ನ ನೇಮಕ ಮಾಡಿತ್ತು. ಹಿಂದೂ ಸಂಘಟಕರ ಕಣ್ಣನ್ನ ಕೆಂಪಾಗಿಸಿದ್ದ ಸರ್ಕಾರದ ನಡೆ ವಿರುದ್ಧ ದತ್ತಪೀಠ ದೇವಸ್ಥಾನದ ಸಂವರ್ಧನಾ ಸಮಿತಿ ಕೋರ್ಟ್ ಮೊರೆ ಹೋಗಿತ್ತು. ಮೂರು ವರ್ಷಗಳ ಸುಧೀರ್ಘ ವಿಚಾರಣೆಯ ಬಳಿಕ ನ್ಯಾಯಾಲಯದ ನೀಡಿದ ತೀರ್ಪು ದತ್ತಭಕ್ತರ ಮನೆಮನಗಳಲ್ಲಿ ಹಬ್ಬದ ವಾತಾವರಣಕ್ಕೆ ಸಾಕ್ಷಿಯಾಗಿದೆ….