ಚಿಕ್ಕಮಗಳೂರು: ಎರಡು ಬೈಕ್ ಗಳ ನಡುವೆ ಮುಖಾಮುಖಿ ಡಿಕ್ಕಿ ಹೊಡೆದ ಪರಿಣಾಮ ಓರ್ವ ವ್ಯಕ್ತಿ ಮೃತಪಟ್ಟಿರುವ ಘಟನೆ ಅಜ್ಜಂಪುರ ತಾಲೂಕು ಸಂಕಲಾಪುರ ಅನ್ವರ್ ಕಾಲೋನಿ ಕ್ರಾಸ್ ಬಳಿ ನಡೆದಿದೆ. ಮಹದೇವಪ್ಪ (70) ಮೃತ ದುರ್ದೈವಿ. ಹೊಸದುರ್ಗದಿಂದ ಅಜ್ಜಂಪುರ ಮಾರ್ಗದಲ್ಲಿ ಬರುತ್ತಿದ್ದರು ಎಂದು ತಿಳಿದು ಬಂದಿದೆ, ಡಿಕ್ಕಿಯ ಪರಿಣಾಮ ವೇದಮೂರ್ತಿ ಎಂಬ ಇನ್ನೊಬ್ಬ ವ್ಯಕ್ತಿಗೆ ಗಂಭೀರ ಗಾಯಗಳಾಗಿವೆ. ಇವರು ಅಲ್ಲೇ ಹತ್ತಿರದ ಅವರ ತೋಟಕ್ಕೆ ಹೋಗುತ್ತಿದ್ದರು ಎನ್ನಲಾಗಿದೆ. ಸ್ಥಳೀಯರು ಗಾಯಗೊಂಡ ವೇದಮೂರ್ತಿಯನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಈ ಅಪಘಾತವು ನಡೆದು 2 ದಿನಗಳು ಕಳೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಸ್ಥಳೀಯ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.