ಚಿಕ್ಕಮಗಳೂರು : ಲೋಕಾರ್ಪಣೆಗೊಂಡ ಪೊಲೀಸ್ ಚೌಕಿಯ ಹಿಂದೆ ನಗರಸಭೆಯ ಹಿಂದಿನ ಮಾಜಿ ಅಧ್ಯಕ್ಷರುಗಳ ಹಾಗೂ ಸದಸ್ಯರುಗಳ ಪರಿಶ್ರಮವಿದೆ ಎಂದು ನಗರ ಸಭೆ ಸದಸ್ಯ ಟಿ. ರಾಜಶೇಖರ್ ಹೇಳಿದರು.
ಈ ಬಗ್ಗೆ ಮಲ್ನಾಡ್ ಟಿವಿಯೊಂದಿಗೆ ಮಾತನಾಡಿದ ಅವರು ನಗರದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಛೇರಿಯ ಮುಂಭಾಗದ ವೃತ್ತದಲ್ಲಿ ನಿರ್ಮಿತವಾಗಿರುವ ಪೊಲೀಸ್ ಚೌಕಿಯು ನಗರದ ಸೌಂದರ್ಯವನ್ನು ಹೆಚ್ಚಿಸಿದ್ದು, ಈ ಪೊಲೀಸ್ ಚೌಕಿ ನಿರ್ಮಾಣವಾಗಲು 2019 ನೆ ಸಾಲಿನಲ್ಲಿ ಶಿಲ್ಪಾ ರಾಜಶೇಖರ್ ನಗರಸಭೆ ಅಧ್ಯಕ್ಷರಾಗಿದ್ದ ಸಂದರ್ಭದಲ್ಲಿ 12 ಲಕ್ಷದ 90 ಸಾವಿರ ರೂಪಾಯಿಗಳನ್ನು ಆಗಿನ ಎಸ್.ಪಿ ಆಗಿದ್ದ ಅಣ್ಣಾಮಲೈ ರವರ ಕೋರಿಕೆ ಮೇರೆಗೆ 14 ನೇ ಹಣಕಾಸಿನಲ್ಲಿ ಅನುದಾನ ನೀಡಲಾಗಿತ್ತು. ಈ ವೃತ್ತವು ತುಂಬ ಅತ್ಯುತ್ತಮವಾಗಿ ಮೂಡಿಬಂದಿದೆ. ಇದಕ್ಕೆ ಸಹಕಾರ ನೀಡಿದ ಶಾಸಕ ಸಿ.ಟಿ ರವಿಯವರಿಗೆ, ಆಗಿನ ನಗರಸಭ ಅಧ್ಯಕರಾದ ಶಿಲ್ಪ ರಾಜಶೇಖರ್, ಮುತ್ತಯ್ಯ, ಉಪಾಧ್ಯಕ್ಷರಾದ ಸುಧೀರ್ ಹಾಗು ಸದಸ್ಯರುಗಳಿಗೆ ಸಾರ್ವಜನಿಕರ ಪರವಾಗಿ ಕೃತಜ್ಞತೆ ಅರ್ಪಿಸುತ್ತೇವೆ ಎಂದು ಹೇಳಿದರು.