ಚಿಕ್ಕಮಗಳೂರು: ನಗರಸಭೆ ಚುನಾವಣೆ ಹಿನ್ನೆಲೆ ಮತದಾನ ಪ್ರಕ್ರಿಯೆ ಆರಂಭಗೊಂಡಿದ್ದು ಬೆಳಿಗ್ಗೆ 9 ಗಂಟೆ ವೇಳೆಗೆ ಶೇ.10ರಷ್ಟು ಮತದಾನ ನಡೆದಿದ್ದು ಮಂದಗತಿಯಲ್ಲಿ ಮತದಾನ ಪ್ರಕ್ರಿಯೆ ನಡೆದಿದೆ.

ನಗರದ 35 ವಾರ್ಡುಗಳಿಗೆ ಚುನಾವಣೆ ಪ್ರಕ್ರಿಯೆ ಆರಂಭಗೊಂಡಿದ್ದು ಮತದಾರರು ತಮ್ಮ ಹಕ್ಕು ಚಲಾಯಿಸಲು ತೊಡಗಿದ್ದಾರೆ ಚಿಕ್ಕಮಗಳೂರು ನಗರಸಭೆಗೆ 4 ವರ್ಷಗಳ ಬಳಿಕ ಚುನಾವಣೆ ನಡೆಯುತ್ತಿದ್ದು, ಮತದಾರರು ಸಹಜವಾಗಿಯೇ ತಮ್ಮ ಪ್ರತಿನಿಧಿಯನ್ನು ಆಯ್ಕೆ ಮಾಡಲು ಉತ್ಸಾಹದಿಂದ ಪಾಲ್ಗೊಳ್ಳುತ್ತಿದ್ದಾರೆ. ಶಾಸಕ ಸಿ ಟಿ ರವಿ ದಂಪತಿ ಸಮೇತ ಆಗಮಿಸಿ ನಗರದ ಪಾಲಿಟೆಕ್ನಿಕ್ ಕಾಲೇಜಿನ ವಾರ್ಡ್ ನಂ 28 ರ ಭೂತ್ ನಂ 99 ರಲ್ಲಿ ಮತದಾನ ಮಾಡಿದರು.

ನಗರದ ಕಲ್ದೋಡ್ಡಿ ಶಾಂತಿನಗರ ವಾರ್ಡ್ ನಲ್ಲಿ ಮತದಾರರ ಪಟ್ಟಿ ಗೊಂದಲದಿಂದ ಕೆಲಕಾಲ ಮತದಾನ ಪ್ರಕ್ರಿಯೆ ವಿಳಂಭವಾಯಿತು.