ಚಿಕ್ಕಮಗಳೂರು : ಅದೊಂದು ಸರ್ಕಾರಿ ಶಾಲೆ. ಆ ಶಾಲೆಯಲ್ಲಿ ಮೇಲಿಂದಲೂ ನೀರು. ಕೊಠಡಿಯೊಳಗೆ ನೆಲದಿಂದಲೂ ನೀರು. ಶಾಲೆಯ ಅಕ್ಕಪಕ್ಕದಲ್ಲೂ ಉಕ್ಕುವ ಜಲಧಾರೆ. ಎಲ್ಲಾ ನೀರು ಶಾಲೆಯೊಳಗೆ. ಈ ಸ್ಕೂಲ್ ಒಂದು ರೀತಿ ದ್ವೀಪವಿದ್ದಂತೆ. ಆ ನೀರಲ್ಲಿ ಮಕ್ಕಳು ನೆನೆಯುತ್ತಾರೆ. ಭವಿಷ್ಯದ ಪುಸ್ತಕಗಳು ನೆನೆಯುತ್ತವೆ. ಮಕ್ಕಳು ಅದೇ ಪುಸ್ತಕವನ್ನ ಬಿಸಿಲಲ್ಲಿ ಒಣಗಿಸಬೇಕು. ಮತ್ತದೇ ಪುಸ್ತಕದಲ್ಲಿ ಓದಬೇಕು. ಇದು ಇಂದು-ನಿನ್ನೆಯ ಕಥೆಯಲ್ಲ. ಮಕ್ಕಳ ಹೋರಾಟದ ಓದಿಗೆ ನಾಲ್ಕೈದು ವರ್ಷದ ಇತಿಹಾಸವಿದೆ. ಇದು ಮಲೆನಾಡ ಮಳೆಸ್ಕೂಲಿನ ಕಥೆ ವ್ಯಥೆ…..