ಲವ್ ಜಿಹಾದ್ ಆರೋಪ ಹೊತ್ತಿದ್ದ ಯುವ ಜೋಡಿ ಇದೀಗ ಅಧಿಕೃತವಾಗಿ ಒಂದಾಗಿದ್ದಾರೆ.

ಕೊನೆಗೂ ಸಬ್ ರಿಜಿಸ್ಟರ್ ಕಚೇರಿ ಬಳಿ ಹಾರ ಬದಲಿಸಿಕೊಳ್ಳುವ ಮೂಲಕ ಜಾಫರ್ ಹಾಗೂ ಚೈತ್ರ ದಾಂಪತ್ಯಕ್ಕೆ ಕಾಲಿಟ್ಟಿದ್ದಾರೆ, ಪ್ರಾಣ ಭೀತಿ ನಡುವೆ ಇಂದು ಪತ್ರಿಕಾಗೋಷ್ಠಿಯಲ್ಲಿ ಸಂಪೂರ್ಣ ಮಾಹಿತಿ ನೀಡಿ ನಂತರ ನಮಗೆ ಹಿಂದು ಸಂಘಟನೆಗಳಿಂದ ಬೆದರಿಕೆ ಇದ್ದು ರಕ್ಷಣೆ ನೀಡುವಂತೆ ಎಸ್ಪಿ ಕಚೇರಿಗೆ ತೆರಳಿ ಲಿಖಿತ ಹೇಳಿಕೆ ನೀಡಿದರು. ನಂತರ ಉಪ ನೋಂದಣಾಧಿಕಾರಿ ಕಚೇರಿಗೆ ಆಗಮಿಸಿ ಹೊಸದಾಗಿ ವಿವಾಹದ ಅರ್ಜಿ ಸಲ್ಲಿಸಿದರು, ಎಲ್ಲಾ ದಾಖಲೆಗಳನ್ನು ನೀಡಿ ಎರಡೂ ಕುಟುಂಬಗಳ ಸಮ್ಮುಖದಲ್ಲಿ ಹಾರ ಬದಲಿಸಿಕೊಂಡರು, ಈ ವೇಳೆ ದಲಿತ ಸಂಘಟನೆಗಳ ಮುಖಂಡರಾದ ಶ್ರೀನಿವಾಸ್, ಹೊನ್ನೇಶ್, ಎಸ್ ಡಿ ಪಿಐ ಜಿಲ್ಲಾಧ್ಯಕ್ಷ ಗೌಸ್ ಮುನೀರ್ ಸೇರಿದಂತೆ ಹಲವರು ಹಾಜರಿದ್ದರು. ಆದರೆ ಮತ್ತೊಮ್ಮೆ ಸಾಂಪ್ರದಾಯಿಕ ವಾಗಿ ವಿವಾಹ ಆಗುವುದಾಗಿಯೂ ನವ ಜೋಡಿ ತಿಳಿಸಿದೆ, ಈ ನಡುವೆ ಹಿಂದೂ ಧರ್ಮದಂತೆ ಅಥವಾ ಮುಸ್ಲಿಂ ಧರ್ಮದಂತೆ ವಿವಾಹ ನಡೆಯಲಿದೆಯಾ ಎಂಬುದನ್ನು ಕಾದು ನೋಡಬೇಕಿದೆ.