ಚಿಕ್ಕಮಗಳೂರು : ಇತ್ತಿಚೆಗೆ ದರ ಏರಿಕೆ ಖಂಡಿಸಿ ಕಾಂಗ್ರೆಸ್ ಕರೆ ನೀಡಿದ್ದ ಪ್ರತಿಭಟನೆಗೆ ಆಗಮಿಸುತ್ತಿದ್ದ ಯುವ ಕಾಂಗ್ರೆಸ್ ಕಾರ್ಯಕರ್ತ ಮಿಥುನ್ ರಸ್ತೆ ಅಪಘಾತದಲ್ಲಿ ಮೃತ ಪಟ್ಟ ಹಿನ್ನೆಲೆ ಅವರ ಮನೆ ತರೀಕೆರೆಯ ನೇರಲ ಕೆರೆ ಗ್ರಾಮಕ್ಕೆ ಯು ಕಾಂಗ್ರೆಸ್ ರಾಜ್ಯ ಘಟಕದ ಅಧ್ಯಕ್ಷ ರಕ್ಷಾ ರಾಮಯ್ಯ ಭೇಟಿ ನೀಡಿ ಸಾಂತ್ವನ ಹೇಳಿದರು.

ಜಿಲ್ಲಾ ಯುವ ಕಾಂಗ್ರೆಸ್ ಘಟಕ ಹಾಗೂ ತರೀಕೆರೆ ಕಾಂಗ್ರೆಸ್ ಕಾರ್ಯಕರ್ತರು ಮುಖಂಡರು ಹಣ ಸಂಗ್ರಹಿಸಿ ಇದೇ ವೇಳೆ ಮೃತರ ಕುಟುಂಬಕ್ಕೆ ನೀಡಿದರು. ಅಲ್ಲದೆ ಮೃತನ ಅಣ್ಣನಿಗೆ ಯಾವುದಾದರೂ ಕೆಲಸ ಕೊಡಿಸುವ ಭರವಸೆಯನ್ನು ನೀಡಲಾಯಿತು. ಮನೆಯ ಭೇಟಿ ನಂತರ ಶ್ರದ್ಧಾಂಜಲಿ ಸಭೆ ಸಹ ನಡೆಸಿ ಮೌನಾಚರಣೆ ಮೂಲಕ ಮೃತರ ಆತ್ಮಕ್ಕೆ ಶಾಂತಿ ಕೋರಲಾಯಿತು.

 ನೂರಾರು ಯುವ ಕಾಂಗ್ರೆಸ್ ಕಾರ್ಯಕರ್ತರು ಸಹ ಗ್ರಾಮಕ್ಕೆ ಭೇಟಿ ನೀಡಿದರು. ಯುವ ಕಾಂಗ್ರೆಸ್ ಘಟಕದಿಂದ ಮಿಥುನ್ ಹೆಸರನ್ನು ಶಾಶ್ವತವಾಗಿ ಉಳಿಸಲು ನೆನಪಿನಲ್ಲಿ ಇಡುವಂತಹ ಕೆಲಸ ಮಾಡಲಾಗುವುದು ಎಂದು ಕಾಂಗ್ರೆಸ್ ಯುವ ಘಟಕದ ಜಿಲ್ಲಾಧ್ಯಕ್ಷ ಸಂತೋಷ್ ಹೇಳಿದರು.

  ಪ್ರತಿಭಟನೆಗೆ ಆಗಮಿಸುತ್ತಿದ್ದ ಯುವ ಮುಖಂಡ ಮಿಥುನ್‌ಗಾಗಿ ಇಡಿ ಕಾಂಗ್ರೆಸ್ ಸಮೂಹ ಮನೆಯ ಸದಸ್ಯನನ್ನೇ ಕಳೆದು ಕೊಂಡಂತೆ ಸಾಂತ್ವಾನ ಹೇಳಲು ಸೇರಿಕೊಂಡಿತ್ತು. ಇಡಿ ಕಾಂಗ್ರೆಸ್ ಮಿಥುನ್ ಕುಟುಂಬದೊಂದಿಗೆ ಸದಾ ಇರಲಿದೆ ಎಂದು ಭರವಸೆ ನೀಡಿದರು.