2023ರ ಜನವರಿಯಲ್ಲಿ ಜಿಲ್ಲೆಯ ಎಲ್ಲಾ ಛಾಯಾಗ್ರಾಹಕರ ಸಂಘಗಳನ್ನ ಒಟ್ಟುಗೂಡಿಸಿ ಛಾಯಾಗ್ರಾಹಕರ ಸಮ್ಮೇಳನವನ್ನ ಮಾಡಲು ತೀರ್ಮಾನಿಸಲಾಗಿದೆ ಎಂದು ಛಾಯಾಗ್ರಾಹಕರ ಸಂಘದ ಜಿಲ್ಲಾಧ್ಯಕ್ಷ ಜಯಚಂದ್ರ ಹೇಳಿದ್ದಾರೆ. ಚಿಕ್ಕಮಗಳೂರು ನಗರದ ಛಾಯಾಗ್ರಾಹಕರ ಸಂಘದ ಕಚೇರಿಯಲ್ಲಿ ಮಾತನಾಡಿದ ಅವರು, ಈ ಸಮ್ಮೇಳನವನ್ನ ಛಾಯಾ ಮಹೋತ್ಸವ ಎಂದೇ ಕರೆಯಲಾಗಿದೆ. ಈ ಮಹೋತ್ಸವದ ಸಮ್ಮೇಳನದಲ್ಲಿ ಎಕ್ಸಿಬಿಷನ್ ರೀತಿ ಕ್ಯಾಮರಾಗಳನ್ನ ಉಚಿತವಾಗಿ ತಪಾಸಣೆ ಮಾಡುವುದಾಗಲಿ, ಉಚಿತ ಕಾರ್ಯಗಾರ ನೀಡುವಂತಹಾ ಕಾರ್ಯಕ್ರಮವನ್ನೂ ಹಮ್ಮಿಕೊಂಡಿದ್ದೇವೆ ಎಂದರು. ಹಾಗಾಗಿ, ಜಿಲ್ಲೆಯ ಎಲ್ಲಾ ಛಾಯಾಗ್ರಾಹಕರು ಒಟ್ಟುಗೂಡಿ ಈ ಕಾರ್ಯಕ್ರಮವನ್ನ ಯಶಸ್ವಿ ಮಾಡಬೇಕೆಂದು ಮನವಿ

ಮಾಡಿದ್ದಾರೆ. ಜಿಲ್ಲಾ ಛಾಯಾಗ್ರಾಹಕರ ಸಂಘದ

ಕಚೇರಿಯಲ್ಲಿ ಇಂದು ನಡೆದ ಚೊಚ್ಚಲ ಜಿಲ್ಲಾ ಛಾಯಾಗ್ರಾಹಕರ ಸಂಘದ ಕಮಿಟಿಯ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ. ಸಭೆಯಲ್ಲಿ ಜಿಲ್ಲೆಯ ಎಲ್ಲಾ ತಾಲೂಕು ಅಧ್ಯಕ್ಷರು ಹಾಗೂ ನಿರ್ದೇಶಕರು ಉಪಸ್ಥಿತರಿದ್ದರು.