ಚಿಕ್ಕಮಗಳೂರು. ತಾಲೂಕಿನಲ್ಲಿ ನಿರಂತರವಾಗಿ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಐತಿಹಾಸಿಕ ಪ್ರಸಿದ್ಧ ಪ್ರವಾಸಿತಾಣವಾದ ಅಯ್ಯನಕೆರೆಗೆ ಭಾರೀ ಪ್ರಮಾಣದಲ್ಲಿ ನೀರು ಹರಿದು ಬರುತ್ತಿದ್ದು ಇತಹಾಸದಲ್ಲಿಯೇ ಅತ್ಯಂತ ಹೆಚ್ಚು ಪ್ರಮಾಣದ ನೀರು ಜಲಪಾತದ ರೀತಿಯಲ್ಲಿ ಕೆರೆಯ ಕೋಡಿಯ ಮೇಲೆ ಹರಿಯುತ್ತಿದೆ. ಕೋಡಿಯ ಮೇಲೆ ಸುಮಾರು ಸುಮಾರು ೩ ಅಡಿ ಎತ್ತರದಲ್ಲಿ ನೀರು ಹರಿಯುತ್ತಿದ್ದು ಸುತ್ತಮುತ್ತ ಜನರು ಹಾಗೂ ಕೆರೆ ಅಚ್ಚುಕಟ್ಟು ಭಾಗದ ರೈತರು ಕೆರೆಯ ಬಳಿಗೆ ತೆರಳಿ ಕೆರೆಯ ಅಂದವನ್ನು ವೀಕ್ಷಿಸುತ್ತಿದ್ದಾರೆ. ಇನ್ನು ಸಣ್ಣ ನೀರಾವರಿ ಇಲಾಖೆ ಹಾಗೂ ಸಖರಾಯಪಟ್ಟಣ ಪೋಲಿಸರು ಅಪಾಯದ ಮಟ್ಟವನ್ನು ಮೀರಿ ಕೆರೆ ಹರಿಯಿತ್ತಿರುವುದರಿಂದ ಕೆರೆಯ ಸನಿಹಕ್ಕೆ ಜನರು ಹೋಗದಂತೆ ಎಚ್ಚರಿಕೆ ನೀಡಿದೆ.