ರಾಜ್ಯ ರಾಜಕಾರಣದಲ್ಲಿ ಸರಳ ಸಜ್ಜನಿಕೆಯ ವ್ಯಕ್ತಿ ಎಂದೇ ಹೇಳಲಾಗುವ ಬಿಜೆಪಿ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಕೋಟಾ ಶ್ರೀನಿವಾಸ ಪೂಜಾರಿ ಹಣವಿಲ್ಲದೆ ರಾಜಕೀಯ ಮಾಡುತ್ತಾರೆ ಎನ್ನಲಾಗುತ್ತದೆ. ಇಂತಹ ವ್ಯಕ್ತಿಗೆ ಕಾರ್ಯಕರ್ತರೇ ಹಣ ನೀಡಿ ಚುನಾವಣೆ ಖರ್ಚು ಭರಿಸಲು ನೆರವಾಗಿದ್ದಾರೆ.

ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಕೋಟಾ ಶ್ರೀನಿವಾಸ ಪೂಜಾರಿ ಈಗಾಗಲೇ ಚುನಾವಣಾ ಪ್ರಚಾರದಲ್ಲಿ ತೊಡಗಿದ್ದಾರೆ. ಹೊದಲೆಲ್ಲಾ ಉತ್ತಮ ಪ್ರತಿಕ್ರಿಯೆ ಮತದಾರರಿಂದ ಸಿಗುತ್ತಿದ್ದು ಕಾರ್ಯಕರ್ತರು ಇದರಿಂದ ಉತ್ಸಾಹ ಗೊಂಡಿದ್ದಾರೆ. ಈ ನಡುವೆ ಕಾರ್ಯಕರ್ತರೊಬ್ಬರು 25 ಸಾವಿರ ಹಣವನ್ನು ನೀಡುವ ಮೂಲಕ ಔದಾರ್ಯ ಮೆರೆದಿದ್ದಾರೆ. ಬಿಜೆಪಿ ಸಕ್ರಿಯ ಕಾರ್ಯಕರ್ತರಾದ ಲೋಕೇಶ್ ಮೂಲತ  ತೇಗೂರು ನಿವಾಸಿಯಾಗಿದ್ದು ಚರುಮುರಿ ವ್ಯಾಪಾರ ಮಾಡುತ್ತಾರೆ ಇದರಲ್ಲಿ ಬಂದ ಲಾಭದಲ್ಲಿ 25 ಸಾವಿರ ರೂಗಳನ್ನು ಕೋಟಾ ಶ್ರೀನಿವಾಸ ಪೂಜಾರಿ ಅವರಿಗೆ ನೀಡಿದ್ದಾರೆ .
ತಾನು ದುಡಿದ ಚರುಮುರಿ ವ್ಯಾಪಾರ ಹಣದಲ್ಲಿ ದೇಣಿಗೆ ನೀಡುವ ಮೂಲಕ ಸಜ್ಜನ ವ್ಯಕ್ತಿಗೆ ನೆರವಾಗಿದ್ದಾರೆ.