ಚಿಕ್ಕಮಗಳೂರು..: ಸ್ವಂತ ಮಗನಿಂದಲೇ ಹೆತ್ತಮ್ಮನ ಕಗ್ಗೊಲೆ ಮಾಡಿರೋ ಘಟನೆ ಚಿಕ್ಕಮಗಳೂರು ನಗರದ ಗೌರಿ ಕಾಲುವೆಯಲ್ಲಿ ನಡೆದಿದೆ.

ನಗರದ ಗೌರಿ ಕಾಲುವೆ ನಿವಾಸಿ 48 ವರ್ಷದ ಸುಧಾ ಕೊಲೆಯಾದ ಮೃತ ತಾಯಿಯಾಗಿದ್ದು. 28 ವರ್ಷದ ದುಶ್ಯಂತ್ ಕೊಲೆಗೈದ ಪುತ್ರನಾಗಿದ್ದಾನೆ. ಮಧ್ಯಾಹ್ನದ ವೇಳೆಗೆ ತಾಯಿಯನ್ನ ಕೊಲೆ ಮಾಡಿರುವ ಸಾಧ್ಯತೆ ಇದ್ದು ಕೊಲೆ ಮಾಡಿ ಮನೆಯಲ್ಲಿ ಶವದ ಜೊತೆ ಕುಳಿತಿದ್ದ ಎನ್ನಲಾಗಿದೆ. ಸಂಜೆ 5.45ಕ್ಕೆ ಕಿರಿಯ ಪುತ್ರ ಸಂತೋಷ್ ಮನೆಗೆ ಬಂದಾಗ ತಾಯಿ ಕೊಲೆಯಾಗಿರೋದು ಬೆಳಕಿಗೆ ಬಂದಿದೆ. ಒಮ್ಮೊಮ್ಮೆ ಪುತ್ರ ದುಶ್ಯಂತ್ ಮಾನಸಿಕ ಅಸ್ವಸ್ಥನಂತೆ ವರ್ತಿಸುತ್ತಿದ್ದ ಎಂದು ಹೇಳಲಾಗಿದ್ದು. ಕೊಲೆಮಾಡಿದ ಮಗ ದುಶ್ಯಂತ್ ನನ್ನು ಪೊಲೀಸರು ಬಂಧಿಸಿದ್ದಾರೆ. ಘಟನಾ ಸ್ಥಳಕ್ಕೆ ಬಸವನಹಳ್ಳಿ ಠಾಣೆ ಪೊಲೀಸರು ಭೇಟಿ, ಪರಿಶೀಲನೆ ನಡೆಸಿದ್ದಾರೆ‌.