ಚಿಕ್ಕಮಗಳೂರು ಜಿಲ್ಲೆ ಮಹಿಳಾ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದ್ದ ಅತ್ಯಾಚಾರ ಹಾಗೂ ಪ್ರಕರಣಗಳಲ್ಲಿ ನಾಲ್ವರು ಆರೋಪಿಗಳಿಗೆ 10 ವರ್ಷಗಳ ಜೈಲು ಶಿಕ್ಷೆ ಹಾಗೂ ದಂಡ ವಿಧಿಸಿ ಘನ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ತೀರ್ಪು ನೀಡಿದೆ.

ಆರೋಪಿಗಳಾದ ಫರ್ಜಾನ ದಸ್ತಗೀರ್ (32), ರಾಮನಹಳ್ಳಿ, ಚಿಕ್ಕಮಗಳೂರು, ಪ್ರಶಾಂತ ಶಿವಕುಮಾರ್ (31), ಆದರ್ಶನಗರ, ಚಿಕ್ಕಮಗಳೂರು, ಲಕ್ಷ್ಮಿ ದಿನೇಶ್ (32) ಗಾಡಿದೇವಣ್ಣ ರಸ್ತೆ, ಹಾಸನ

ದಿನೇಶ್ ಡಿ.ಎಂ. (35), ಗಾಡಿದೇವಣ್ಣ ರಸ್ತೆ, ಹಾಸನ ಶಿಕ್ಷೆಗೊಳಗಾದ ಆರೋಪಿಗಳು

ಇವರ ಪೈಕಿ ಫರ್ಜಾನ ಮತ್ತು ಪ್ರಶಾಂತ್ ಅವರಿಗೆ ತಲಾ ₹32,000 ದಂಡದೊಂದಿಗೆ 10 ವರ್ಷ ಜೈಲು ಶಿಕ್ಷೆ, ಲಕ್ಷ್ಮಿ ಮತ್ತು ದಿನೇಶ್‌ಗೆ ತಲಾ ₹35,000 ದಂಡದೊಂದಿಗೆ 10 ವರ್ಷ ಶಿಕ್ಷೆ ವಿಧಿಸಲಾಗಿದೆ.

ಪ್ರಕರಣದ ನೊಂದ ಬಾಲಕಿಗೆ ₹1 ಲಕ್ಷ ಪರಿಹಾರ ನೀಡುವಂತೆ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರ ಚಿಕ್ಕಮಗಳೂರು ಅವರಿಗೆ ಸೂಚನೆ ನೀಡಲಾಗಿದೆ. ಪ್ರಕರಣದ ತನಿಖೆ ಚಿಕ್ಕಮಗಳೂರು ಉಪವಿಭಾಗದ ಡಿವೈಎಸ್‌ಪಿ ಶೈಲೇಂದ್ರ ಹೆಚ್. ಎಂ. ಅವರ ನೇತೃತ್ವದಲ್ಲಿ ನಡೆದಿದೆ. ಸರ್ಕಾರದ ಪರವಾಗಿ ಸರ್ಕಾರಿ ಅಭಿಯೋಜಕರಾದ ಹೆಚ್.ಎಸ್. ಲೋಹಿತಾಶ್ವಚಾರ್ ಮತ್ತು ವಿಶೇಷ ಸರ್ಕಾರಿ ಅಭಿಯೋಜಕರಾದ ಬಿ. ಭರತ್ ಕುಮಾರ್ ಅವರು ವಾದ ಮಂಡಿಸಿದ್ದಾರೆ. ನ್ಯಾಯಾಲಯದ ಕರ್ತವ್ಯಗಳಲ್ಲಿ ಎಎಸ್ಐ ಸೋಮಶೇಖರ್ ಎ.ಎಸ್., ಎಚ್‌ಪಿಸಿ ವೇದಶ್ರೀ, ಸಿಪಿಸಿ ಪೂರ್ಣೇಶ್ ಮತ್ತು ಸಿಪಿಸಿ ಅರುಣ್ ಕುಮಾರ್ ಭಾಗವಹಿಸಿದ್ದರು.